“Энхийн шүүдэр” ХХК нь 2016 онд Үндэсний эм үйлдвэрлэгч Монос групп, Мөнхийн тун ХХК, Эмийн үйлдвэр ХХК, Цомбо ХХК, Нахиа ХХК гэсэн таван компанийн хамтран байгуулсан ариун эмийн үйлдвэрлэлийн олон улсын жишигт хүрсэн барилга, тоног төхөөрөмж, технологи бүхий анхны дотоодын хөрөнгө оруулалттай дуслын шингэн эмийн үйлдвэр юм.

Үндэсний хөрөнгө оруулалт бүхий “Энхийн шүүдэр” дуслын шингэн эмийн үйлдвэрийн олон улсын GMP –ийн шаардлага хангасан төсөл нь эдийн засгийн ач холбогдолтой, зээлийн эргэн төлөлтийн чадвартай, импортыг орлох, экспортод гарах чадвартай байх гэсэн Монгол банкны шалгуурыг ханган, бүрэн автоматжуулсан иж бүрэн цогцолбор арга хэмжээ юм.